u16 korbballmeisterschaft 15/16

Hüt heimer di letsti Chorbbaurundi vo dere Saison gha. Mir hei üs scho im vorus sehr uf die Rundi gfröit. Nam iwärme heimer oscho dr erst Match gha gege  Bätterkinden. U de heimer o gd suverän chöne gwinne u das mitemene verdiente 4:2.
Nere heimer e churzi Pouse gha bevors de scho ume isch witer gange. Der nächst Match isch viu herter gsi aus der ersti, üse nächsti Gägner isch ds starche Roggwil gsi. Ds Resultat isch oo dem entsprächent weniger guet use cho 6:3. Nach dem herte Match heimer e verdienti Pouse gha, womer üs ume chli hei chöne erhole. Nere isch oscho dr letst Match vor Saison ar Reihe gsi. Dä heimer no gäge Melchnau gha u die sii o e starchi Manschaft gsi. Da heimer ds Spiufäud leider nii chönä aus Sieger verlaa. Miir si haut o afang chli müed gsi u hei dä Match ume 6:4 verlore. Aber im grosse u ganze heimer a däm Tag guet gspiut u chöii ds fride mit üsere Leistig si. Mir si schlussändlech ufe 4. Platz cho. Üsi Ziu für nächst Saison heimer oscho chli gmacht. Ds wäre unger angerem meh ufe Chorb z schiiese, besser z träffe u a däm wärde mr o arbeite.

Severin: 9 Chörb
Janine: 1 Chorb
Patrice: 1 Chorb

Sina

Hüt hi mr di erschti Chorbbaurundi ds Bätterkinden gha. Mir si am Mittag motiviert uf Bätterkinden gfahre. Mir si acho u hei üs afe chlii iihgspiut u ufgwärmt. Druf ache hei mr dr erscht Match gäge Melchnau gha. Mir si aui nid so ds Fride gsi mit üsere Spiuart u hi mit emne 8:1 verlore. Mie hi 2 mätsche pouse gha u hinis gtercht füre nächscht Match gäge Utzenstorf. D Sina het e schöne Chorb gmacht u mir hi insgesamt viu besser gspiut aus im vordere. üses Resultat isch 3:1 verlore. Dr letsht Match gege Langnou hei mr gwunne u zwar 5:1 da Langnou nid het Teil gnoh! Das het üs sehr gfröit  Mir si trotzdem aui veiechli ds Fride.

Chantal Locher / Sina Hofer